ရိုးလူ
ရခိုင်ရိုးမ။ ။July 29, 2011
သမ္မတ ဦးသိန်းစိန် ရခိုင်ပြည်၊ မြောက်ဦးမြို့ကို ဒေနိ မိုးထဖက်သား ၁၀ နာရီ ကျော်လောက်မှာ ဟယ်လီကော်ပတာ နှစ်စီးနန့် ရောက်ရှိလာပြီးကေ မြောင်ဦး လွှတ်တော် ကိုယ်စားလှယ်ကိုခေါ်ပနာ လောကမဉ္ဇူဘုရားနန့် ဌာပနာတိကို မယူဆောင်ဗျာလ်ဖြစ်တေ အကြောင်း ပြောလားခရေလို့ သိဟိရပါရေ။
မေလ ၃၀ ရက်နိက ရွှေဂူတောင် စေတီပြိုပျက်လားစော်နီရာကနိန် တူးဖော်ရရှိခရေ ရွှေ ၄-ပိဿာနန့် ၆၄-ကျပ်သားရှိရေ လောကမဉ္ဇူဘုရားနန့် ဌာပနာတိကို မြောက်ဦးမြို့ခံတိက နေပြည်တော် ရှိဟောင်း သုတေသနဌာနကို ယူမလားဖို့ရန် အတွက် ဇူလိုင်လ ၁၇-ရက်နိက ဒုတိယအကြိမ် ကန့်ကွက်ခကတ်ပြီးရေနောက် သမ္မတကိုယ်တိုင် အဂုပိုင် ရောက်ရှိလာခြင်းဖြစ်ပါရေ။
သမ္မတ ဦးသိန်းစိန်နန့် လူကိုယ်တိုင်သွားရောက်တွိဆုံခွင့်ရခရေ မြောက်ဦးမြို့လွှတ်တော်ကိုယ်စားလှယ် ဦးအောင်ထွန်းသာက အဂုပိုင်ပြောပြပါရေ။
“အခု ပြတိုက်မှာ ထားဖို့လိုလို နေပြည်တော်ကို ပင့်ဖို့လိုလို ဖြစ်နိန်ရေ ရှေးဟောင်းအမွီအနှစ် လောကမဉ္ဇူ ဘုရားနန့် ဌာပနာပစ္စည်းတိကို သူက ဇာပြောလေဆိုကေ ကျနော်ရို့ မယူပါဗျာလ်လတ်၊ အဂုလက်ဟိထားရှိရေ ရတနာ့မာန်အောင် ကျောင်းမှာရာ ထားလိုက်ပါဖိ ဆိုပြီးကို ကျွန်တော့်ကို တခါတည်းပြောခပါရေ” လို့ သူကဆိုပါရေ။
အယင်က ရှေးဟောင်းမြောက်ဦးမြို့တော်ကနိန် တူးဖော်လို့ရရေ တန်ဖိုးရှိ ရှေးဟောင်း အမွေအနှစ်ပေါင်း အမြောက်အမြားကို အာဏာပိုင်တိက ယူဆောင်လားခကတ်ပြီးကေ တခုလေ့ ပြန်ရောက်လာခြင်းမရှိခပါ။
“ကောင်း ဝမ်းသာပါရေနန်းရာ။ အဂုပိုင် သတင်းကြားရစော်။ ကျနော်ရို့မှာ အယင့်အယင်ကပင် ကကောင်း တန်ဖိုးဟိရေ ရှီးဟောင်း အမွီအနှစ် တိ အများကြီး၊ အများကြီး ဆုံးရှုံးလားခရပါဗျာလ်။ ကျနော်ရို့ ရခိုင်ပြည်သူတိ မသိလိုက်ရပဲ ယူလားခကတ်တေ ပစ္စည်းပေါင်းလဲ မရီမတွက်နိုင် အောင်ပါ။
ဂုက ဒေလောကမဉ္ဇူဘုရားကို ကျနော်တို့ပိုင်ဆိုင်ခွင့်ရလိုက်ပါဗျာလ်။ ဒေလောက်နှစ်ပေါင်းအများကြီးအတွင်း အာဏာပိုင်တိကို ထိပ်တိုက်တွိပနာ ရလိုက်တေ ညီညွတ်မှုအောင်ပွဲပါ။
နောင်လဲ ဒေပိုင်ညီညွတ်နိန်ဖို့ဆိုကေ သူရို့ကောင်းလုပ်ဝံ့ဖို့ ယူဝံ့ဖို့မဟုတ်ပါဗျာလ်” ဆိုပနာ မြောက်ဦးမြို့ခံသား တယောက်ကလဲ ရခိုင်ရိုးမကို ပြောပြပါရေ။
အဂုခါ လောကမဉ္ဇူဘုရားရေ မြောက်ဦးမြို့ ရတနာ့မာန်အောင် ကျောင်းတိုက်အတွင်းမှာ ကိန်းဝပ်စံပယ်လို့ ရှိနိန်ပြီးကေ မိုးတွင်းကာလ အတွင်းမှာပင် စစ်တွေ၊ ပုဏ္ဍားကျွန်း၊ ကျောက်တော်၊ မြောက်ဦး၊ မင်းပြား၊ ပလက်ဝနန့် နယ်က ဘုရားဖူးတိလည်း လာရောက် ဖူးမျော်နိန်ကတ်တေလို့ သိရှိရပါရေ။
ယင်းလောကမဉ္ဇူဘုရားနန့် ဌာပနာတိကို သီးသန့် သိမ်ဆောက်လုပ်ပနာ ထားနိုင်ဖို့အတွက် ဒီဇိုင်း ဆွဲနိန်ဗျာလ် ဖြစ်တေလို့ သိရပြီးကေ ဘုရားသိမ် ဆာက်လုပ်ဖို့အတွက်လဲ အလှူငွေ ကျပ်သိန်း ၂၀၀ ဝန်းကျင် ကောက်ခံ ရရှိထားဗျာလ်လို့ သိရပါရေ။
သမ္မတ ဦးသိန်းစိန် သူနန့်တတူပါလာရေ ဝန်ကြီးလေးငါးဦးနန့်တတူ ကျောက်တော်မြို့ ဇီးချောင်းဆည်ဖက်ကို ခရီး ဆက်ထွက်လားခကြောင်း နောက်ဆက်တွဲ သတင်းရ သိရပါရေ။
Source:rakhaingroma
ARRC Statement
0 comments